Kushtet e shërbimit

1. Shërbimi

AsistentiAI ofron një asistent me inteligjencë artificiale që u përgjigjet klientëve të biznesit tuaj, bazuar vetëm në njohuritë që ju na jepni ose që lexohen nga faqja juaj zyrtare. Asistenti është projektuar të mos shpikë përgjigje: kur nuk e di diçka, e shënon bisedën dhe ia kalon një personi nga ekipi juaj.

2. Planet dhe kufijtë

• Starter — €100/muaj, deri në 1000 përgjigje të agjentit në muaj.
• Professional — €200/muaj, deri në 3000 përgjigje të agjentit në muaj.
• Business — €500/muaj, deri në 10 000 përgjigje të agjentit në muaj.

Njësia e planit është përgjigja e agjentit (çdo mesazh që agjenti i dërgon një klienti), pavarësisht sa mesazhe ka një bisedë. Çmimet janë pa TVSH. Kufijtë janë të butë: nëse i tejkaloni, asnjë bisedë nuk ndërpritet në mes — ju njoftojmë dhe bashkërisht kalojmë në planin e përshtatshëm.

3. Përgjegjësitë tuaja

• Të dhënat që i jepni asistentit (çmime, orare, politika) duhet të jenë të sakta dhe të përditësuara.
• Ju jeni përgjegjës për përmbajtjen që publikoni përmes asistentit te klientët tuaj.
• Nuk lejohet përdorimi i shërbimit për mashtrim, përmbajtje të paligjshme apo shqetësim.
• Nëse lidhni WhatsApp, Instagram ose Messenger, duhet të respektoni edhe kushtet dhe politikat tregtare të Meta-s dhe të WhatsApp-it, si dhe t'u përgjigjeni vetëm klientëve që ju kanë shkruar ose kanë pranuar të kontaktohen. Kanalin mund ta shkëpusni në çdo kohë nga paneli; token-at e lidhjes fshihen menjëherë.

4. Kufizimi i përgjegjësisë

Asistenti është mjet ndihmës dhe mund të gabojë. Ju rekomandojmë të mbikëqyrni bisedat nga paneli, sidomos ato të shënuara si "Kërkon ty". Nuk mbajmë përgjegjësi për vendime tregtare të marra vetëm mbi bazën e përgjigjeve të asistentit, as për humbje indirekte. Shërbimi ofrohet "siç është", me përpjekje të vazhdueshme për disponueshmëri dhe cilësi.

5. Të dhënat

Njohuritë dhe bisedat e biznesit tuaj mbeten tuajat. Ne i përpunojmë vetëm për të ofruar shërbimin, sipas politikës së privatësisë. Me kërkesën tuaj, i eksportojmë ose i fshijmë; çdo person mund të kërkojë edhe vetë fshirjen te faqja e fshirjes së të dhënave.

6. Ndërprerja

Mund ta ndërprisni bashkëpunimin në çdo kohë. Me ndërprerjen, çaktivizojmë asistentin dhe, me kërkesën tuaj, fshijmë të dhënat e biznesit nga platforma.

7. Kush e ofron dhe kontakti

AsistentiAI operohet nga Jurgen Bode (person fizik, Durrës, Shqipëri); kontrata për shërbimin lidhet me të si operator i platformës.

Për çdo pyetje mbi këto kushte: kontakt@asistentiai.com