Alternativa e Manychat për biznese me klientë shqiptarë

Kur Manychat është zgjedhja e duhur

Manychat është i fortë për automatizime marketingu: përgjigje automatike te komentet dhe mesazhet, mbledhje kontaktesh dhe dërgime masive, në Instagram, Messenger, WhatsApp, TikTok, Telegram, SMS dhe email. Ka plan falas (25 kontakte aktive) dhe planin Essential ($14 në muaj me pagesë vjetore, pa Manychat AI). Manychat AI vjen nga plani Pro: $29 në muaj me pagesë vjetore, me 2.500 kontakte aktive, 3 kanale dhe 3 përdorues.

Nëse i ndërtoni vetë skenarët e bisedës dhe ju intereson kryesisht marketingu në rrjete sociale, Manychat mund t'ju shërbejë mirë.

Çfarë i duhet një biznesi me klientë shqiptarë

• ✓Shqipja e vërtetë: mesazhe pa ë e ç, fjalë dialektore dhe shqip i përzier me anglisht ose italisht. Në faqet zyrtare të Manychat-it shqipen nuk e gjetëm të shkruar.
• ✓Përgjigje nga katalogu: çmimi, masa dhe stoku i produktit të saktë, jo një tekst i përgjithshëm.
• ✓Asnjë shpikje: kur agjenti s'e di, ia kalon bisedën ekipit në vend që të hamendësojë çmime ose afate.
• ✓Pa e ndërtuar vetë çdo skenar: agjenti mëson nga faqja dhe katalogu juaj dhe përgjigjet vetë.
• ✓Ndihmë në shqip nga një ekip që e njeh tregun në Shqipëri dhe Kosovë.

Si e bën AsistentiAI

• ✓I ndërtuar për shqipen ashtu siç shkruhet vërtet: pa ë e ç, me fjalë të folura, me pyetje të shkurtra që vazhdojnë bisedën; përgjigjet edhe në anglisht, italisht ose në gjuhën e klientit.
• ✓Mëson vetë nga faqja dhe katalogu juaj (WooCommerce, Excel/CSV, edhe foto e çmimores) dhe njeh produktet nga fotot që dërgojnë klientët.
• ✓Nuk shpik çmime, stok apo politika: kur s'është i sigurt, ia kalon bisedën ekipit me një draft përgjigjeje të gatshëm.
• ✓Faqja, Instagram, Messenger dhe WhatsApp në një panel, përmes API-ve zyrtare të Meta-s; aplikacioni ka kaluar shqyrtimin zyrtar të Meta-s (App Review) për mesazhet dhe komentet.
• ✓Çmim sipas përgjigjeve të agjentit, jo sipas kontakteve apo përdoruesve, dhe një ekip në Shqipëri që ju ndihmon të filloni brenda ditës.

Po çmimi?

Në letër, Manychat Pro ($29 në muaj me pagesë vjetore) kushton më pak se Starter ($120 në muaj). Krahasoni megjithatë të njëjtën gjë: te Manychat çmimi rritet me kontaktet aktive dhe skenarët i ndërtoni e i mirëmbani vetë; te AsistentiAI paguani sipas përgjigjeve të agjentit, pa pagesë për përdorues, dhe ekipi ynë ju ndihmon me konfigurimin dhe njohuritë e biznesit. Për WhatsApp, kini parasysh edhe tarifat e Meta-s: që nga 1 tetori 2026 Meta tarifon përgjigjet në WhatsApp Business Platform përtej 1.000 në muaj për çdo numër.

Si t'i provoni para se të vendosni

Merrni 20–30 mesazhe të vërteta nga klientët tuaj, pa ë e ç, me fjalë dialektore, me foto produktesh dhe me pyetje për çmim, masë, stok e transport, dhe provojini te të dyja. Manychat ka provë 14-ditore te planet Essential dhe Pro; AsistentiAI ka demo live falas dhe provë falas me 50 përgjigje të agjentit, pa kartë krediti. Shikoni tri gjëra: a përgjigjet saktë në shqip, a shpik diçka që s'ia keni dhënë, dhe a ia kalon bisedën njeriut kur duhet.