Menaxhimi i mesazheve të klientëve për biznese të mëdha
Kur mesazhet në ditë maten me qindra ose mijëra dhe i ndajnë disa kolegë, problemi s'është më vetëm shpejtësia: është rendi, kontrolli dhe saktësia. AsistentiAI u përgjigjet vetë pyetjeve të përsëritura dhe i jep ekipit tuaj një panel të përbashkët për pjesën tjetër.
Agjenti merr volumin, ekipi rastet që kërkojnë njeri
Agjenti u përgjigjet 24/7 pyetjeve për çmime, stok, dërgesa, orare dhe politika, vetëm nga njohuritë e biznesit. Dërgon vetë vetëm përgjigjet për të cilat është i sigurt; të tjerat i kalojnë ekipit me një draft të gatshëm për t'u kontrolluar.
Me lidhjen e dyqanit WooCommerce ose të sistemit tuaj (ERP, përmes Specifikimit të Lidhësit), agjenti kontrollon live statusin e porosisë dhe stokun, vetëm pasi të verifikojë klientin.
Një panel për gjithë ekipin
- ✓Të gjitha kanalet — faqja, Instagram, Messenger, WhatsApp — në një panel në kohë reale, edhe nga telefoni.
- ✓Shpërndarja e bisedave, orari i ekipit dhe mbyllja automatike e bisedave.
- ✓Etiketa, filtra, pamje të ruajtura, përgjigje të gatshme, shënime të brendshme dhe kërkim brenda bisedës.
- ✓Porosi dhe rezervime direkt nga biseda, dhe detyra me afat për kolegët.
- ✓Paneli tregon nga cila reklamë në Facebook, Instagram ose WhatsApp erdhi klienti.
Role dhe të drejta për çdo person
Ekipi ka katër role — Administrator, Supervizor, Operator dhe Staf/Editor — dhe çdo person ka tabelën e vet të të drejtave. Askush s'jep të drejta që s'i ka vetë, dhe hyrja në panel mbrohet me verifikim me dy hapa ose me passkey.
Analiza dhe kontroll
- ✓Koha e përgjigjes për çdo kanal: zakonisht, brenda 5 minutash, nga agjenti dhe nga kolegët.
- ✓Puna e çdo kolegu: bisedat, përgjigjet dhe porositë.
- ✓Pyetjet që agjenti s'i dinte, që biznesi t'i plotësojë.
Planet për volum të madh
Business: $550/muaj, deri në 10.000 përgjigje të agjentit, të gjitha kanalet dhe mbështetje me prioritet. Çdo paketë ka panelin në kohë reale dhe raportet që shkarkohen (Excel, CSV, Word). Konfigurimi nga ekipi ynë: $499, një herë. Enterprise: për volume më të mëdha, disa numra e faqe ose kërkesa të veçanta, me marrëveshje. Kufijtë janë të butë: asnjë bisedë s'ndërpritet në mes, përgjigjet shtesë kushtojnë $30 për 1.000. Me pagesë vjetore paraprakisht, 2 muajt e parë janë falas.
Për biznese të mëdha propozojmë një takim të shkurtër për të parë së bashku sa mesazhe merrni dhe çfarë ju duhet: kontakt@asistentiai.com ose +355 68 518 2975.
Pyetje të shpeshta
A mund të punojnë shumë kolegë njëkohësisht?
+
Po. Të gjithë punojnë në të njëjtin panel, me rolin dhe të drejtat e veta; bisedat shpërndahen dhe merren nga kolegët sipas rregullave që vendosni. Business përfshin Administratorin + 10 përdorues; Enterprise ka përdorues pa limit.
A lidhet me sistemin tonë të porosive?
+
Me WooCommerce lidhet direkt. Për ERP ose sisteme të tjera, lidhja bëhet përmes Specifikimit të Lidhësit; çdo lidhje e kontrollon dhe e miraton ekipi i AsistentiAI.
Si e dimë që agjenti s'jep informacion të gabuar?
+
Agjenti përdor vetëm njohuritë e biznesit dhe nuk shpik çmime, stok apo politika. Kur s'është i sigurt, ia kalon bisedën kolegut me një draft për ta kontrolluar.
Ku ruhen të dhënat?
+
Çdo biznes ka hapësirën e vet të izoluar; baza e të dhënave është në BE (Frankfurt). Të dhënat nuk shiten dhe nuk përdoren për reklama.
Lidhje zyrtare me WhatsApp, Messenger dhe Instagram
Kanalet tuaja lidhen vetëm përmes API-ve zyrtare të Meta-s — të sigurta për numrin dhe faqet e biznesit tuaj.
✅ Shqyrtuar nga Meta
Aplikacioni AsistentiAI ka kaluar shqyrtimin zyrtar të Meta-s (App Review) për mesazhet në Messenger, Instagram dhe WhatsApp, si dhe për komentet në Facebook dhe Instagram.
🔒 Vetëm API zyrtare
WhatsApp Business Platform dhe API-të e Messenger e Instagram — asnjë aplikacion jozyrtar apo lidhje me kod QR që rrezikon bllokimin e numrit ose të faqes.
🔑 Pa ndarë fjalëkalime
Lidhja bëhet me hyrjen tuaj zyrtare në Facebook: ju zgjidhni faqet dhe e shkëputni kur të doni. Çdo lidhje e kontrollon ekipi i AsistentiAI para se të aktivizohet.
Meta, Facebook, Messenger, Instagram dhe WhatsApp janë marka tregtare të Meta Platforms, Inc.
Mësoni më shumë për AsistentiAI
Faqe të tjera me çmimet, krahasimin dhe përgjigjet më të shpeshta.