Chatbot për dyqan online në shqip: çfarë duhet të bëjë

Një chatbot për dyqan online u përgjigjet klientëve tuaj në shqip, në çdo orë, për pyetjet që vendosin blerjen: çmimin e sotëm, masën dhe ngjyrën, «a e keni?», transportin deri në qytetin e tyre, pagesën në dorëzim dhe kthimin. Që të jetë vërtet i dobishëm, i merr këto nga katalogu dhe rregullat tuaja reale, nuk thotë kurrë «e kemi» për diçka që nuk e keni dhe i mbledh të dhënat e porosisë pa e lodhur klientin. Ankesat dhe rastet që kërkojnë gjykim ia lë ekipit tuaj.

Çfarë pyet klienti i një dyqani online, deri në mesnatë

Është ora 23:00. Dyqani juaj i rrobave në Tiranë është mbyllur prej kohësh, por telefoni nuk pushon:

• «sa e keni kte ne M?», me një screenshot nga postimi i djeshëm
• «A e keni qit n'ngjyrë t'zezë?», nga një klient në Prishtinë
• «Sa del transporti për Korçë? Paguaj te dera?»
• «Sa ditë do?»
• «Kam deri në 5 mijë për një çantë dore, çfarë keni?»
• «Nëse s'më bën, a e ndërroj dot?»

Asnjëra nuk është pyetje e vështirë. E vështirë është që vijnë dhjetëra herë në ditë, në tri kanale, shpesh kur s'ka njeri të lirë. Klienti i orës 23:00 ka të hapur edhe dy dyqane të tjera, dhe kush i përgjigjet i pari, me totalin bashkë me transportin, ka më shumë gjasa ta marrë porosinë. Si t'i shkruani vetë këto përgjigje, e gjeni te pyetjet për çmimin dhe transportin.

Çfarë duhet të bëjë mirë një chatbot për dyqan online

Disa e quajnë asistent virtual për dyqan online, të tjerë agjent AI për e-commerce. Emri ka pak rëndësi. Testi i vërtetë është klienti juaj, që shkruan pa ë, me fjalë të shkurtra dhe me një foto në vend të emrit të produktit.

Lexon katalogun real, me çmimin e sotëm

Çmimi në chat duhet të jetë ai që sheh klienti sot në faqe. Nëse e ulni një çmim në mëngjes dhe chatbot-i vazhdon me të vjetrin deri në mbrëmje, keni dy çmime për një produkt dhe një klient të nervozuar te dera. Katalogu duhet të jetë i lidhur me dyqanin, jo një kopje e ngarkuar një herë (si funksionon, e shpjegojmë te si i mban mend agjenti AI produktet tuaja).

Thotë «po, e kemi» vetëm kur e keni

Ky është gabimi më i shtrenjtë. Një «po» për një model që nuk e keni ju sjell një porosi që nuk e plotësoni dot dhe një klient që nuk kthehet më. Kur produkti mungon, chatbot-i ofron një alternativë që bën të njëjtën punë, jo diçka që thjesht i ngjan në emër, dhe thotë «nuk e kemi» vetëm kur nuk ka as të tillë. Sa copë keni në magazinë është punë e brendshme; klientit i mjafton të dijë nëse e keni. Më shumë te kur mbaron malli në chat.

Kupton buxhetin, edhe në lekë të vjetra

«Diçka deri në 5 mijë» ose «nën 20 mijë» janë kërkime për produkte, jo pazar, dhe chatbot-i duhet të kthejë atë që hyn në atë shumë. Në Shqipëri shumë njerëz numërojnë ende në lekë të vjetra, ndaj «50 mijë» për një palë këpucë zakonisht do të thotë 5 000 lekë të sotme. Një chatbot që s'e di këtë ofron produkte dhjetë herë më të shtrenjta, ose thotë që s'keni asgjë. Kur klienti e gjen çmimin të lartë, shihni kur klienti thotë «është shtrenjtë».

E gjen produktin nga kodi ose nga fotoja

Klientët rrallë e shkruajnë emrin e plotë. Dërgojnë kodin nga faqja, një screenshot ose një foto të bërë në rrugë, dhe chatbot-i duhet ta njohë produktin në secilin rast. Ku mund të gabojë AI-ja me fotot, e shpjegojmë te kërkimi me foto.

Mbledh porosinë pa e pyetur klientin dy herë

Përgjigjet automatike për porositë kanë kuptim vetëm kur chatbot-i e di çfarë mungon: masa, ngjyra, sasia, emri, telefoni, adresa ose pagesa. Pyet vetëm për atë. Nëse klientja e tha qytetin dy mesazhe më parë, nuk e pyet sërish «nga cili qytet jeni?». Lista e plotë e një porosie është te porositë nga Instagram dhe WhatsApp.

Ia kalon ankesën një njeriu

«Më erdhi masa e gabuar.» «Ka dy javë që pres.» Këtu chatbot-i nuk justifikohet dhe nuk premton rimbursime: përgjigjet me mirësjellje dhe ia kalon bisedën ekipit, me një përmbledhje të shkurtër.

Chatbot për WooCommerce apo për dyqan në Instagram dhe WhatsApp?

Pyetjet e klientëve janë të njëjta. Ndryshon vendi ku rrinë produktet.

Nëse keni faqe me WooCommerce, produktet, çmimet, variantet dhe fotot i keni tashmë në rregull. Chatbot-i duhet të lidhet drejtpërdrejt me dyqanin, që çdo ndryshim të arrijë menjëherë te përgjigjet. Pyetni çdo ofrues: a lexohet katalogu në kohë reale, apo duhet ta ngarkoni me dorë herë pas here?

Nëse shisni vetëm në Instagram dhe WhatsApp, katalogu shpesh është i shpërndarë në postime, në story dhe në kokën tuaj. Ju duhet një listë e vetme, qoftë edhe një fletë Excel, me emrin, çmimin, masat, ngjyrat dhe një foto për çdo produkt, që e përditësoni kur ndryshon diçka.

Kur i keni të dyja, chatbot-i duhet të japë të njëjtin çmim në çdo kanal. Pse shitja po kalon gjithnjë e më shumë nëpër biseda, lexoni te 5 trende të AI në shitjet online.

Si ta përgatisni dyqanin para se ta ndizni chatbot-in

Kaloni një pasdite me këtë listë:

1. Katalogu: emra të qartë, çmimi aktual, masat dhe ngjyrat si variante, kodi dhe të paktën një foto e mirë. Hap pas hapi te si ta përgatisni katalogun e dyqanit për AI.
2. Transporti sipas zonës (Tirana, qytetet e tjera, Kosova), me koston dhe afatin në ditë pune. Për Korçën, përgjigjja është një numër, jo «varet».
3. Pagesa. Nëse pranoni pagesë në dorëzim, shkruani edhe nëse klienti mund ta hapë pakon para se të paguajë.
4. Kthimet: sa ditë, në çfarë gjendje, kush e paguan transportin e kthimit.
5. Pyetjet që përsëriten. Hapni 20 bisedat e fundit dhe shkruani përgjigjen tuaj zyrtare për secilën.

Të njëjtat të dhëna vendosini edhe në faqe: Google shpjegon te të dhënat e strukturuara të produkteve si shfaqen në kërkim çmimi, disponueshmëria, transporti dhe kthimi.

Si e bën këtë AsistentiAI

AsistentiAI është një agjent AI që u përgjigjet klientëve të dyqanit tuaj 24/7, në shqip ose në gjuhën e klientit, në Instagram, Messenger, WhatsApp dhe në chat-in e faqes. Prezantohet me emrin e dyqanit dhe e kupton shqipen siç shkruhet në mesazhe: pa ë e ç, me fjalë dialekti dhe me pyetje të shkurtra si «po në të zezë?» (shihni chatbot-in në shqip).

• Katalogu. Dyqanet me WooCommerce e mbajnë të sinkronizuar në kohë reale. Të tjerët i importojnë produktet nga Excel ose CSV, ose ia mësojnë agjentit listën e çmimeve nga një foto, duke konfirmuar çdo rresht.
• Kërkimi. Agjenti e gjen produktin nga emri, nga kodi (SKU) ose nga fotoja e klientit, që e krahason me fotot e produkteve. Kupton buxhetin, edhe në lekë të vjetra, dhe thotë «po, e kemi» vetëm për atë që ekziston. Sasinë në stok nuk ua tregon kurrë klientëve.
• Reklamat. Paneli tregon nga cila reklamë në Facebook, Instagram ose WhatsApp erdhi klienti, dhe agjenti e di për cilin produkt pyet, edhe kur shkruan vetëm «a e keni?».
• Porosia. Agjenti mbledh të gjitha të dhënat para se t'ia kalojë ekipit, pa pyetur sërish për atë që klienti ka dhënë. Me «Krijoni porosi» nga biseda, porosia shkon te dyqani juaj online.
• Kur mbaron malli, klientit i ofrohet që ekipi ta telefonojë kur të vijë sërish.
• Ndjekja. Nëse e aktivizoni (si parazgjedhje është e fikur), klienti që pyeti për çmimin dhe heshti merr një mesazh të vetëm, të sjellshëm.
• Ankesat dhe pasiguria. Ankesave u përgjigjet me përulësi dhe ia kalon bisedën ekipit. Kur nuk është i sigurt, nuk shpik: biseda shënohet «Ju kërkon ju» në panel, me një draft përgjigjeje gati për kolegun.

Shtojca «AsistentiAI Chat» për WordPress dhe WooCommerce e shton chat-in në faqe pa prekur temën; aktualisht është në shqyrtim te WordPress.org. Instagram, Messenger dhe WhatsApp lidhen vetëm përmes API-ve zyrtare të Meta-s, me hyrjen tuaj në Facebook, pa ndarë fjalëkalime.

Shihni zgjidhjen për dyqanet online. Planet nisin nga $120 në muaj për chat-in e faqes, Instagram-in dhe Messenger-in, deri në 1 000 përgjigje të agjentit; WhatsApp-i përfshihet nga paketa Professional, me $220 në muaj, në dollarë dhe pa TVSH (te çmimet).

Për ta provuar, plotësoni formularin «Llogari Demo» te faqja e kontaktit. Mjafton lidhja e faqes; pa faqe, profili juaj në Instagram ose Facebook dhe 5 pyetje të shkurtra. Pasi ekipi ynë e miraton kërkesën, hyni me email-in tuaj dhe një kod që vlen vetëm një herë. Prova ka 50 përgjigje, pa kartë krediti.

Pyetje të shpeshta

A ka chatbot për WooCommerce që flet shqip?

Po. AsistentiAI lidhet me dyqanin WooCommerce, e mban katalogun të sinkronizuar dhe u përgjigjet klientëve në shqip në chat-in e faqes, Instagram, Messenger dhe WhatsApp. Shtojca «AsistentiAI Chat» për WordPress është në shqyrtim te WordPress.org.

A mund t'i marrë chatbot-i vetë porositë?

Agjenti mbledh në bisedë produktin, masën, sasinë, emrin, telefonin, adresën dhe pagesën. Ekipi i kontrollon dhe me «Krijoni porosi» e dërgon porosinë te dyqani juaj online.

Sa kushton një chatbot për dyqan online?

AsistentiAI nis nga $120 në muaj, ndërsa me WhatsApp nga $220 në muaj, në dollarë dhe pa TVSH. Prova falas ka 50 përgjigje, pa kartë krediti.

Klienti që shkruan «a e keni qit n'ngjyrë t'zezë?» në mesnatë do një përgjigje të saktë, në gjuhën e vet, dhe një hap të qartë drejt porosisë. Kur këtë e bën një chatbot që nuk shpik asgjë, mesazhi i natës ka një shans real të bëhet porosi në mëngjes.